ಪುತ್ತೂರು: ಆಗಸ್ಟ್ 15ರಂದು ನವದೆಹಲಿಯ ಕೆಂಪು ಕೋಟೆಯಲ್ಲಿ ನಡೆಯಲಿರುವ ಸ್ವಾತಂತ್ರ್ಯೋತ್ಸವ ಸಮಾರಂಭದಲ್ಲಿ ಭಾಗವಹಿಸಲು ಪುತ್ತೂರಿನ ನೆಹರುನಗರದ ಮಾಸ್ಟರ್ ಪ್ಲಾನರಿಯ ಇಬ್ಬರು ಮೇಸ್ತ್ರಿಗಳಿಗೆ ಆಹ್ವಾನ ದೊರಕಿದೆ.
ಕರ್ನಾಟಕದಿಂದ ಒಟ್ಟು ಮೂರು ಮಂದಿ ಈ ಸ್ವಾತಂತ್ರ್ಯೋತ್ಸವ ಕಾರ್ಯಕ್ರಮದಲ್ಲಿ ಭಾಗಿಯಾಗುತ್ತಿದ್ದು, ಇದರಲ್ಲಿ ಇಬ್ಬರು ಮಾಸ್ಟರ್ ಪ್ಲಾನರಿಯ ಮೇಸ್ತ್ರಿಗಳು. ಕಳೆದ 24 ವರ್ಷಗಳಿಂದ ಮಾಸ್ಟರ್ ಪ್ಲಾನರಿಯಲ್ಲಿ ಮೇಸ್ತ್ರಿಯಾಗಿ ಸೇವೆ ಸಲ್ಲಿಸುತ್ತಿರುವ ಜನಾರ್ದನ್ ನಾಯಕ್ ಹಾಗೂ ಕಳೆದ 22 ವರ್ಷಗಳಿಂದ ಮೇಸ್ತ್ರಿಯಾಗಿ ಕೆಲಸ ನಿರ್ವಹಿಸುತ್ತಿರುವ ಸದಾಶಿವ ರಾಷ್ಟ್ರ ರಾಜಧಾನಿಯ ಸ್ವಾತಂತ್ರ್ಯೋತ್ಸವದಲ್ಲಿ ಭಾಗಿಯಾಗಲಿದ್ದಾರೆ.
