puttur: ಸ್ಕೌಟ್ಸ್ ಮತ್ತು ಗೈಡ್ಸ್ ಸ್ಥಳೀಯ ಸಂಸ್ಥೆ ವಾಮದಪದವು ಇದರ ವತಿಯಿಂದ ಬುರೂಜ್ ಇಂಗ್ಲೀಷ್ ಮೀಡಿಯಂ ಹೈಸ್ಕೂಲ್ ರಝಾನಗರ ಮೂಡುಪಡುಕೋಡಿ ಇಲ್ಲಿ ಕಬ್ -ಬುಲ್ ಬುಲ್ ದ್ವಿತೀಯ ಚರಣ ಸ್ಕೌಟ್ಸ್ ಮತ್ತು ಗೈಡ್ಸ್ ದ್ವಿತೀಯ ಸೋಪಾನ ಪರೀಕ್ಷಾ ಶಿಬಿರ ನಡೆಯಿತು.
ಖ್ಯಾತ ನಾಟಕ ಬರಹಗಾರ ಬಾಲಕೃಷ್ಣ ಆಂಚನ್ ಗಿಡಕ್ಕೆ ನೀರು ಹಾಕುವುದರ ಮೂಲಕ ಕಾರ್ಯಕ್ರಮದ ಉದ್ಘಾಟನೆ ನೆರವೇರಿಸಿದರು.ಅಧ್ಯಕ್ಷತೆಯನ್ನು ಸ್ಕೌಟ್ಸ್ ಮತ್ತು ಗೈಡ್ಸ್ ಸ್ಥಳೀಯ ಸಂಸ್ಥೆ ವಾಮದಪದವು ಇದರ ಅಧ್ಯಕ್ಷ ಆನಂದ ಆಚಾರ್ಯ ವಹಿಸಿದ್ದರು.
ಪರೀಕ್ಷಾ ಸಂಘಟಕರಾಗಿ ಸ್ಥಳೀಯ ಸಂಸ್ಥೆಯ ಕಾರ್ಯದರ್ಶಿ ಸುಕೇಶ್ ಕೆ, ಸ್ಥಳೀಯ ಸಂಸ್ಥೆಯ ಎ ಡಿ.ಸಿ ಹಾಗೂ ಸಂಚಾಲಕರಾದ ಶೇಖ್ ರಹ್ಮತ್ತುಲ್ಲಾಹ್,ಮುಖ್ಯ ಅತಿಥಿಯಾಗಿ ಬುರೂಜ್ ಸಂಸ್ಥೆಯ ಶಿಕ್ಷಕ -ರಕ್ಷಕ ಸಂಘದ ಅಧ್ಯಕ್ಷರಾದ ಅಬ್ದುಲ್ ಅಝೀಝ್, ರಾಯಿ ಶಾಲಾ ಶಿಕ್ಷಕಿ ಹಾಗೂ ಹಿಮಾಲಯ ವುಡ್ ಬ್ಯಾಜ್ ಹೊಂದಿರುವ ಬೇಬಿ, ಅಕ್ಷರ ಭಾರತಿ ವಿದ್ಯಾಲಯ ಆಲದಪದವು ಇಲ್ಲಿಯ ಶಿಕ್ಷಕರಾದ ರೇವತಿ ಮತ್ತು ಉಮಾ ಬುರೂಜ್ ಶಾಲಾ ಮುಖ್ಯ ಶಿಕ್ಷಕಿ ಜಯಶ್ರೀ ಬಿ,ಶಿಕ್ಷಕರಾದ ಅನ್ನಪೂರ್ಣೇಶ್ವರಿ, ಖುರ್ಷಿದ್, ವನಿತಾ ಶೆಟ್ಟಿ, ಎಲ್ಸಿ ಲಸ್ರಾದೋ ಉಪಸ್ಥಿತರಿದ್ದರು. ಶಿಕ್ಷಕಿ ಪ್ರತೀಕ್ಷಾ ವಂದಿಸಿದರು..ಈ ಸಂದರ್ಭದಲ್ಲಿ ಪರೀಕ್ಷೆಗೆ ಹಾಜರಾದ ಎಲ್ಲಾ ಕಬ್ ಮತ್ತು ಬುಲ್ ಬುಲ್, ಸ್ಕೌಟ್ಸ್ ಮತ್ತು ಗೈಡ್ಸ್ ವಿದ್ಯಾರ್ಥಿಗಳಿಗೆ ಬೆಂಕಿ ರಹಿತ ಅಡುಗೆ ಹಾಗೂ ವಿವಿಧ ರೀತಿಯ ಪರೀಕ್ಷೆಗಳನ್ನು ಮಾಡಲಾಯಿತು.
