ಪುತ್ತೂರು: ಜ. ೬ ರಂದು ಮಂಗಳೂರಿನ ಕರಾವಳಿ ಕ್ರೀಡಾಂಗಣದಲ್ಲಿ ಜರಗಿದ ದ.ಕ.ಜಿಲ್ಲಾ ಮಟ್ಟದ ಗಾಮೀಣ ಕ್ರೀಡಾಕೂಟದ ಮಹಿಳಾ ಕಬ್ಬಡಿ ಪಂದ್ಯಾಟದಲ್ಲಿ ಸವಣೂರು ಗ್ರಾ.ಪಂ. ತಂಡ ಪ್ರಥಮ ಸ್ಥಾನ ಪಡೆದು ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿದೆ.
ಕಬ್ಬಡಿ ತಂಡದ ನಾಯಕಿ ಶಾರದಾ ಮಾಲೆತ್ತಾರು, ಸದಸ್ಯರುಗಳಾದ ಎನ್.ಸಮೀಕ್ಷಾ, ಕಾರುಣ್ಯ ಬಿ.ಎನ್, ಶಬರಿ ರೈ ಪಿ, ಸುರಕ್ಷಾ ಜೈನ್ ಎಸ್, ಕೃತಿಕಾ, ಸುಶ್ಮೀತಾ ಎಸ್ ಹಾಗೂ ಮೋಕ್ಷರವರುಗಳು ಭಾಗವಹಿಸಿ, ಬಹುಮಾನ ಪಡೆದರು. ಈ ಸಂದರ್ಭದಲ್ಲಿ ಸವಣೂರು ಗ್ರಾ.ಪಂ. ಅಧ್ಯಕ್ಷೆ ರಾಜೀವಿ ವಿ.ಶೆಟ್ಟಿ ಕೆಡೆಂಜಿ, ಸದಸ್ಯ ಗಿರಿಶಂಕರ್ ಸುಲಾಯ ದೇವಸ್ಯ, ಅಭಿವೃದ್ಧಿ ಅಧಿಕಾರಿ(ಪ್ರಭಾರ) ಮನ್ಮಥ ಅಜಿರಂಗಳ, ಸಿಬ್ಬಂದಿಗಳಾದ ಪ್ರಮೋದ್ ಕುಮಾರ್ ರೈ, ದಯಾನಂದ ಮಾಲೆತ್ತಾರು, ಯತೀಶ್ ಕುಮಾರ್, ಭುವನ್ ಕುಮಾರ್‌ರವರು ಉಪಸ್ಥಿತರಿದ್ದರು.
