ಪುತ್ತೂರು: ಶಾಸಕರ ವಿಶೇಷ ಅನುದಾನದಲ್ಲಿ ನಿರ್ಮಾಣಗೊಂಡ ಬೈಪಾಸ್ – ಪೊಲೀಸ್ ವಸತಿ ಗೃಹ ಸಂಪರ್ಕ ಕಾಂಕ್ರೀಟ್ ರಸ್ತೆ ಜ.13 ರಂದು ಉದ್ಘಾಟನೆಗೊಂಡಿತು.
ರಸ್ತೆಗೆ ಸಂಬಂಧಿಸಿದ ದುಲ್ ಶೀನಾ ಎಂಬವರು ದೀಪ ಬೆಳಗಿಸುವ ಮೂಲಕ ಕಾಂಕ್ರೀಟ್ ರಸ್ತೆ ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಶಾಸಕ ಸಂಜೀವ ಮಠಂದೂರು, ನಗರಸಭೆ ಅಧ್ಯಕ್ಷ ಕೆ ಜೀವಂಧರ್ ತೆಂಗಿನ ಕಾಯಿ ಒಡೆದು ಶುಭ ಹಾರೈಸಿದರು. ಈ ಸಂದರ್ಭದಲ್ಲಿ ರಸ್ತೆಗೆ ಸಂಬಂಧಿಸಿದ ಹಿರಿಯರಾದ ದುಲ್ ಸೀನಾ ಮತ್ತು ರಸ್ತೆಗೆ ಅನುದಾನ ನೀಡಿದ ಶಾಸಕ ಸಂಜೀವ ಮಠಂದೂರು ಅವರನ್ನು ಗೌರವಿಸಲಾಯಿತು. ನಗರಸಭಾ ಸ್ಥಳೀಯ ಸದಸ್ಯ ಭಾಮಿ ಅಶೋಕ್ ಶೆಣೈ, ಬಿಜೆಪಿ ಗ್ರಾಮಾಂತರ ಮಂಡಲದ ಅಧ್ಯಕ್ಷ ಸಾಜ ರಾಧಾಕೃಷ್ಣ ಆಳ್ವ, ನಗರ ಮಂಡಲದ ಪ್ರಧಾನ ಕಾರ್ಯದರ್ಶಿ ಯುವರಾಜ್ ಪೆರಿಯತ್ತೋಡಿ, ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಅಚ್ಚುತ ನಾಯಕ್, ಶಿವಪ್ರಸಾದ್ ಭಟ್, ಪರಿಸರದ ಅಶೋಕ್ ರಾವ್, ಭರತ್ ರಾವ್ ಸಹಿತ ಅನೇಕರು ಉಪಸ್ಥಿತರಿದ್ದರು.
