ಪುತ್ತೂರು: ಇನ್ಸ್ಟಿಟ್ಯೂಟ್ ಆಫ್ ಚಾರ್ಟರ್ಡ್ ಎಕೌಂಟೆಂಟ್ಸ್ ಆಫ್ ಇಂಡಿಯಾ(ಐ.ಸಿ.ಎ.ಐ)ರವರು ಕಳೆದ ಡಿಸೆಂಬರ್ ತಿಂಗಳಿನಲ್ಲಿ ನಡೆಸಿದ ಪ್ರತಿಷ್ಠಿತ ಚಾರ್ಟರ್ಡ್ ಎಕೌಂಟೆಂಟ್(ಸಿ.ಎ) ಫೌಂಡೇಶನ್ ಕೋರ್ಸ್ ಪರೀಕ್ಷೆಯಲ್ಲಿ ಮಾಯಿದೆ ದೇವುಸ್ ಸಮೂಹ ಶಿಕ್ಷಣ ಸಂಸ್ಥೆಗಳಲ್ಲೊಂದಾದ ಸಂತ ಫಿಲೋಮಿನಾ ಪದವಿ ಪೂರ್ವ ಕಾಲೇಜಿನ 2021-22ನೇ ಬ್ಯಾಚಿನ ಮೂವರು ವಿದ್ಯಾರ್ಥಿಗಳು ತೇರ್ಗಡೆ ಹೊಂದಿದ್ದಾರೆ.
ಕಾವು ನಿವಾಸಿ ಮೊಹಮದ್ ಹಾಗೂ ನೆಬಿಸ ದಂಪತಿ ಪುತ್ರ ಅಬ್ದುಲ್ ಬಾಸಿದ್, ಸುಳ್ಯ ಹಳೇಗೇಟ್ ಅಡ್ಕ ನಿವಾಸಿ ದಿ.ಚಂದ್ರ ಶೆಟ್ಟಿ ಹಾಗೂ ವೇದಾವತಿ ಸಿ.ಶೆಟ್ಟಿರವರ ಪುತ್ರ ಸುಚನ್ ಸಿ.ಶೆಟ್ಟಿ, ಅರಿಯಡ್ಕ ನಿವಾಸಿ ಮೊಹಮದ್ ಹನೀಫ್ ಹಾಗೂ ಎನ್.ಮೈಮೂನ ದಂಪತಿ ಪುತ್ರ ಮೊಹಮದ್ ಸಿನಾನ್ ರವರು ಸಿಎ ಫೌಂಡೇಶನ್ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದವರಾಗಿದ್ದಾರೆ. ಈ ಮೂವರು ವಿದ್ಯಾರ್ಥಿಗಳು ಫಿಲೋಮಿನಾ ಪಿಯು ಕಾಲೇಜಿನಲ್ಲಿ ಸಿಎ ಫೌಂಡೇಶನ್ ಕೋರ್ಸ್ ಬಗ್ಗೆ ತರಬೇತಿಯನ್ನು ಪಡೆದಿರುತ್ತಾರೆ ಎಂದು ಕಾಲೇಜು ಪ್ರಕಟಣೆ ತಿಳಿಸಿದೆ.
