ನಿಡ್ಪಳ್ಳಿ: ಮುಂದಿನ ಎರಡೂವರೆ ವರ್ಷದ ಅವಧಿಗೆ ಬೆಟ್ಟಂಪಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾಗಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿ ವಿದ್ಯಾಶ್ರೀ ಅವಿರೋಧವಾಗಿ ಆಯ್ಕೆಯಾದರು.ಉಪಾಧ್ಯಕ್ಷ ಸ್ಥಾನಕ್ಕೆ ಮತದಾನ ನಡೆದು ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಮಹೇಶ್ ಕೆ ಆಯ್ಕೆಯಾದರು.
ಅಧ್ಯಕ್ಷ ಸ್ಥಾನಕ್ಕೆ ಹಿಂದುಳಿದ ವರ್ಗ ಬಿ ಮಹಿಳೆ ಮೀಸಲಿದ್ದ ಸ್ಥಾನಕ್ಕೆ ವಿದ್ಯಾಶ್ರೀಯವರ ಹೆಸರನ್ನು ಅಧ್ಯಕ್ಷೆ ಪವಿತ್ರ.ಡಿ ಸೂಚಿಸಿದರು. ಉಪಾಧ್ಯಕ್ಷ ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲಿದ್ದು ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಯಾಗಿ ನವೀನ ರೈ ಚೆಲ್ಯಡ್ಕ ಮತ್ತು ಬಿಜೆಪಿ ಬೆಂಬಲಿತ ಅಭ್ಯರ್ಥಿಯಾಗಿ ಮಹೇಶ್. ಕೆ ಸ್ಪರ್ಧಿಸಿದರು. ಈ ಸ್ಥಾನಕ್ಕೆ ಮತದಾನ ನಡೆದು ಪಂಚಾಯತ್ ನಲ್ಲಿ ಒಟ್ಟು18 ಸದಸ್ಯರಿದ್ದು ನವೀನ ರೈ 6 ಹಾಗೂ ಮಹೇಶ್. ಕೆ 11 ಮತ ಪಡೆದರೆ ಒಂದು ಅಸಿಂಧು ಎಂದು ಚುನಾವಣಾಧಿಕಾರಿ ಘೋಷಿಸಿದರು. ಒಟ್ಟು11 ಮತ ಪಡೆದ ಮಹೇಶ್ ಕೆ ಉಪಾಧ್ಯಕ್ಷರಾಗಿ ಆಯ್ಕೆಯಾದರು. ಲೋಕೋಪಯೋಗಿ ಇಲಾಖೆಯ ಇಂಜಿನಿಯರ್ ಕನಿಷ್ಕ ಎಸ್ ಚಂದ್ರ ಚುನಾವಣಾಧಿಕಾರಿಯಾಗಿದ್ದರು. ಪಿಡಿಒ ಸೌಮ್ಯ ಉಪಸ್ಥಿತರಿದ್ದರು.
