ಉಪ್ಪಿನಂಗಡಿ: ಕ್ರೀಡಾ ಚಟುವಟಿಕೆಗಳಲ್ಲಿ ಅಪಾರ ಸಾಧನೆ ತೋರಿದ ಯುನೈಟೆಡ್ ಫ್ರೆಂಡ್ಸ್ ಕ್ಲಬ್ ಕೆಮ್ಮಾರ ಇದರ2024-25ನೇ ಸಾಲಿನ ನೂತನ ಪದಾಧಿಕಾರಿಗಳ ಆಯ್ಕೆ ಪ್ರಕ್ರಿಯೆ ನ.24ರಂದು ತಂಡದ ಕಛೇರಿಯಲ್ಲಿ ಜರುಗಿತು.
ಕ್ರೀಡೆ ಮತ್ತು ಸಾಮಾಜಿಕ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವ ಹಿರಿಯ ಆಟಗಾರ ಶರೀಫ್ ಮಜಲುರವರ ಮಾರ್ಗದರ್ಶನದಲ್ಲಿ ನೂತನ ಸಮಿತಿ ರಚನೆ ಮಾಡಲಾಯಿತು. ಅಧ್ಯಕ್ಷರಾಗಿ ಜಮಾಲ್ ಎಸ್.ಪಿ., ಪ್ರಧಾನ ಕಾರ್ಯದರ್ಶಿಯಾಗಿ ಮನ್ಸೂರ್ ಕೊೖಲ ಆಯ್ಕೆಯಾದರು. ಉಪಾಧ್ಯಕ್ಷರಾಗಿ ನವಾಝ್ ಕೆಮ್ಮಾರ, ಜೊತೆ ಕಾರ್ಯದರ್ಶಿಯಾಗಿ ಸಲ್ಮಾನುಲ್ ಫಾರಿಶ್, ಕೋಶಾಧಿಕಾರಿಯಾಗಿ ಜಲೀಲ್ ಎನ್.ಎ, ಮಾಧ್ಯಮ ಸಲಹೆಗಾರರಾಗಿ ಅಝೀಝ್ ಜಿ ಮತ್ತು ಬಾತಿಷ್ ಆಯ್ಕೆಯಾದರು. ಗೌರವಾಧ್ಯಕ್ಷರಾಗಿ ಶರೀಫ್ ಮಜಲು, ಗೌರವ ಸಲಹೆಗಾರರಾಗಿ ಜುನೈದ್ ಕೆಮ್ಮಾರ, ಸೌಕತ್ ಜೇಡರಪೇಟೆ, ಮುಸ್ತಫಾ ಬೆಂಗಳೂರು, ಲತೀಫ್ ಗಂಡಿಬಾಗಿಲು, ಸಿರಾಜ್ ಕೆಮ್ಮಾರ. ಸಮಿತಿ ಸದಸ್ಯರಾಗಿ ನಝೀರ್ ಕೆಮ್ಮಾರ, ಶಂಸುದ್ದೀನ್ ಅಳಕೆ, ರಿಯಾಝ್ ಕೆಮ್ಮಾರ, ಶಫ್ವಾನ್ ಆಕಿರೆ ಇವರನ್ನು ನೇಮಕ ಮಾಡಲಾಯಿತು. ಜುನೈದ್ ಕೆಮ್ಮಾರ ನಿರೂಪಿಸಿದರು. ನವಾಝ್ ಕೆಮ್ಮಾರ ವಂದಿಸಿದರು.
