ಪುತ್ತೂರು: ಕೋಡಿಂಬಾಡಿ ಗ್ರಾಮ ಪಂಚಾಯತ್ ಕಛೇರಿ ಬಳಿಯ ರಸ್ತೆ ಬದಿಯಲ್ಲಿ ಮಹಿಳೆಗೆ ಹಲ್ಲೆ ನಡೆಸಿ ಜೀವ ಬೆದರಿಕೆ ಒಡ್ಡಿದ ಆರೋಪ ಎದುರಿಸುತ್ತಿರುವ ಮೂವರಿಗೆ ಪುತ್ತೂರು ನ್ಯಾಯಾಲಯ ಜಾಮೀನು ಮಂಜೂರು ಮಾಡಿದೆ.
ಕೋಡಿಂಬಾಡಿ ಬಾರಿಕೆ ಮೇಲಿನಹಿತ್ಲು ಪವಿತ್ರಾ ಮೋಹನ್ ಎಂಬವರಿಗೆ ಹಲ್ಲೆ ನಡೆಸಿ ಬೆದರಿಕೆ ಒಡ್ಡಿದ ಆರೋಪದಡಿ ಪವಿತ್ರಾರವರ ತಾಯಿ ಲೀಲಾವತಿ, ಸಹೋದರ ದೀಕ್ಷಿತ್ ಮತ್ತು ನಾದಿನಿ ನಿಶ್ಮಿತಾರವರ ವಿರುದ್ಧ ಪುತ್ತೂರು ಮಹಿಳಾ ಪೊಲೀಸ್ ಠಾಣೆಯಲ್ಲಿ ಕೇಸು ದಾಖಲಾಗಿತ್ತು. ನ.14 ರಂದು ಲೀಲಾವತಿ, ದೀಕ್ಷಿತ್ ಮತ್ತು ನಿಶ್ಮಿತಾರವರು ನ್ಯಾಯಾಲಯಕ್ಕೆ ಶರಣಾಗಿದ್ದು ನ್ಯಾಯಾಧೀಶೆ ಅರ್ಚನಾ ಅವರು ಜಾಮೀನು ಮಂಜೂರು ಮಾಡಿದ್ದಾರೆ. ಆರೋಪಿಗಳ ಪರ ನ್ಯಾಯವಾದಿಗಳಾದ ದೇವಾನಂದ ಕೆ, ಮಿಥುನ್ ರೈ ಮತ್ತು ಕು. ಹರಿಣಿ ವಾದಿಸಿದ್ದರು.
