ಪುತ್ತೂರು: ಕಳೆದ ವರ್ಷ ಅಕಾಲಿಕವಾಗಿ ನಿಧನ ಹೊಂದಿದ ಸರ್ವೆ ಕಲ್ಪಣೆ ಸ.ಹಿ.ಪ್ರಾ.ಶಾಲೆಯ ವಿದ್ಯಾರ್ಥಿ ಸುಪ್ರೀತ್ ಅವರ ಸ್ಮರಣಾರ್ಥವಾಗಿ ಎಸ್.ಪಿ.ಬಿ ಸ್ಟ್ರೈಕರ‍್ಸ್ ಕರ್ಮಿನಡ್ಕ ವತಿಯಿಂದ ಕಲ್ಪಣೆ ಪ್ರಾಥಮಿಕ ಶಾಲೆಗೆ 8 ಚೆಯರ್‌ಗಳನ್ನು ಕೊಡುಗೆಯಾಗಿ ನೀಡಲಾಯಿತು.
ದಿ.ಸುಪ್ರೀತ್ ಅವರ ತಂದೆ ಕುಂಞ ಪರಂಟೋಲು, ಎಸ್.ಪಿ.ಬಿ ಸ್ಟ್ರೈಕರ‍್ಸ್‌ನ ಲಿಂಗಪ್ಪ ಸೊರಕೆ, ಅಕ್ಷಯ್ ಕರ್ಮಿನಡ್ಕ, ಧನಂಜಯ ಸೊರಕೆ, ಅಶ್ವಥ್ ನೇರೋಳ್ತಡ್ಕ, ಶರತ್ ಬೆಳ್ಳಾರೆ ಮೊದಲಾದವರು ಚೆಯರ್‌ಗಳನ್ನು ಶಾಲೆಗೆ ಹಸ್ತಾಂತರಿಸಿದರು. ಶಾಲಾ ಎಸ್.ಡಿ.ಎಂ.ಸಿ ಅಧ್ಯಕ್ಷ ಕೆ.ಎಂ ಹನೀಫ್ ರೆಂಜಲಾಡಿ, ಶಿಕ್ಷಕಿಯರಾದ ಅನಿತಾ, ಜ್ಯೋತಿ, ಅವಿತಾ ಮೊದಲಾದವರು ಕೊಡುಗೆಯನ್ನು ಸ್ವೀಕರಿಸಿ ಶಾಲಾ ಪರವಾಗಿ ಕೃತಜ್ಞತೆ ಸಲ್ಲಿಸಿದರು.
