Home_Page_Advt
Home_Page_Advt
Home_Page_Advt

ವಿಶ್ವಕಪ್: ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತಕ್ಕೆ ಭರ್ಜರಿ ಜಯ

Puttur_Advt_NewsUnder_1
Puttur_Advt_NewsUnder_1
  • ಚಾಹಲ್ ಬೌಲಿಂಗ್ ಗೆ ತತ್ತರಿಸಿದ ದ.ಆಫ್ರಿಕಾ
  •  ಭಾರತಕ್ಕೆ 6 ವಿಕೆಟ್‌ಗಳ ಜಯ
  • ರೋಹಿತ್ ಭರ್ಜರಿ ಅಜೇಯ ಶತಕ
  • ದಕ್ಷಿಣ ಆಫ್ರಿಕಾಕ್ಕೆ ಸತತ ಮೂರನೇ ಸೋಲು

ಸೌಥಾಂಪ್ಟೋನ್‌ನ ದಿ ರೋಸ್ ಬೌಲ್ ಕ್ರೀಡಾಂಗಣದಲ್ಲಿ ನಡೆದ 2019ರ ವಿಶ್ವಕಪ್‌ನ 8ನೇ ಪಂದ್ಯದ ತನ್ನ ಮೊದಲ ಪಂದ್ಯದಲ್ಲಿ ಭಾರತ ತಂಡವು ಆರಂಭಿಕ ಆಟಗಾರ ರೋಹಿತ್ ಶರ್ಮರವರ ಅಜೇಯ ಶತಕದಿಂದ ದಕ್ಷಿಣ ಆಫ್ರಿಕಾ ವಿರುದ್ಧ 6 ವಿಕೆಟ್‌ಗಳ ಜಯ ಪಡೆದು ಲೀಗ್‌ನಲ್ಲಿ ಶುಭಾರಂಭ ಮಾಡಿದೆ. 

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ದ.ಆಫ್ರಿಕಾ 50 ಓವರ್‌ನಲ್ಲಿ 9 ವಿಕೆಟ್ ಕಳೆದುಕೊಂಡು 227 ರನ್‌ಗಳ ಉತ್ತಮ ಮೊತ್ತ ಪೇರಿಸಿತು. ಮೊರಿಸ್ 42, ಪ್ಲೆಸಿಸ್ 38, ಅಂಡಿಲೇ 34 ರನ್ ಗಳಿಸಿದರೆ ಇಂಡಿಯಾ ಪರ ಚಾಹಲ್ 4, ಭುವಿ, ಬುಮ್ರಾ ತಲಾ 2 ಹಾಗೂ ಕುಲ್‌ದೀಪ್ 1 ವಿಕೆಟ್ ಪಡೆದರು. ಟಾರ್ಗೆಟ್ ಬೆನ್ನಟ್ಟಿದ ಭಾರತ 47.3 ಓವರ್‌ನಲ್ಲಿ 4 ವಿಕೆಟ್ ಕಳೆದುಕೊಂಡು 230 ರನ್ ಗಳಿಸಿ ಜಯ ದಾಖಲಿಸಿತು. ಆಡಿದ ಮೂರು ಪಂದ್ಯಗಳಲ್ಲಿ ದ.ಆಫ್ರಿಕಾ ಸೋಲನ್ನು ಅನುಭವಿಸಿದೆ.

 

ಭಾರತದ ಆರಂಭಿಕ ಉತ್ತಮವಾಗಿರಲಿಲ್ಲ. ಶಿಖರ್ ಧವನ್ (8), ನಾಯಕ ವಿರಾಟ್ ಕೊಹ್ಲಿ (18) ಗಳಿಸಿ ಔಟಾದಾಗ ಭಾರತ 52 ರನ್ ಗೆ 2 ವಿಕೇಟ್ ಕಳೆದುಕೊಂಡಿತ್ತು. ಈ ಸಂದರ್ಭದಲ್ಲಿ ಆರಂಭಿಕ ಆಟಗಾರ ರೋಹಿತ್ ಶರ್ಮರಿಗೆ ಕೆ.ಎಲ್. ರಾಹುಲ್ (26), ಮಾಜಿ ಕಪ್ತಾನ ಮಹೇಂದ್ರ ಸಿಂಗ್ ಧೋನಿ (34) ಉತ್ತಮ ಅಡಿಪಾಯದೊಂದಿಗೆ ರನ್ ಗಳಿಸತೊಡಗಿದರು. ಅರ್ಧಶತಕ ಗಳಿಸುತ್ತಿದ್ದಂತೆ ಬಿರುಸಿದ ಆಟಕ್ಕಿಳಿದ ರೋಹಿತ್ ಎದುರಾಳಿ ಬೌಲರ್ ಗಳನ್ನು ಹಿಗ್ಗಾಮುಗ್ಗಾ ದಂಡಿಸಿದರು. ತಾನೆದುರಿಸಿದ 144 ಎಸೆತಗಳಲ್ಲಿ 13 ಬೌಂಡರಿ, 2 ಸಿಕ್ಸರ್ ಸಿಡಿಸಿ ಅಜೇಯ 122 ರನ್ ಗಳಿಸಿದರು. ಧೋನಿ ನಿರ್ಗಮನದ ನಂತರ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ 7 ಎಸೆತದಲ್ಲಿ ಅಜೇಯ 15 ರನ್ ಗಳಿಸಿ ಗೆಲುವಿನ ದಡ ಸೇರಿಸಿದರು. ದಕ್ಷಿಣ ಆಫ್ರಿಕಾ ಪರ ರಬಾಡಾ 2, ಮೊರಿಸ್, ಅಂಡಿಲೋ ತಲಾ 1 ವಿಕೆಟ್ ಪಡೆದರು. ಭಾರತ ಜೂನ್.9ರಂದು ಆಸ್ಟ್ರೇಲಿಯಾ ವಿರುದ್ಧ ಲಂಡನ್‌ನಲ್ಲಿ ತನ್ನ ಮುಂದಿನ ಪಂದ್ಯ ಆಡಲಿದೆ.

Puttur_Advt_NewsUnder_2
Puttur_Advt_NewsUnder_2
Puttur_Advt_NewsUnder_2
Puttur_Advt_NewsUnder_2

About The Author

Related posts

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.